Ата-аналар, 10 сынып

10-сыныпта «Жасөспірімге қиын кезеңдер мен дағдарыстық жағдайларды жеңуге қалай көмектесуге болады?» тақырыбында ата-аналар жиналысы өтті.

Жасөспірімдік кезең – өзгерістерге, маңызды шешімдерге, жаңа сезімдер мен толғаныстарға толы уақыт. Дәл осы кезеңде баланың жанында тек кеңес беріп қана қоймай, ең алдымен оны тыңдайтын, түсінетін және қолдайтын ересектердің болуы аса маңызды.

Кездесу барысында ата-аналар жасөспірімдердің эмоционалдық жағдайының ерекшеліктерін, алаңдаушылық тудыратын белгілерді, баламен сенімді қарым-қатынас орнату жолдарын және оған көмек қажет болған жағдайда әрекет ету алгоритмін талқылады.

Жиналыста кәмелетке толмағандардың қауіпсіздігін қамтамасыз етуге, дағдарыстық мінез-құлықтың алдын алуға және қажет болған жағдайда білікті мамандардың көмегіне уақтылы жүгінуге ерекше назар аударылды.

Кездесудің маңызды қорытындыларының бірі – әрбір жасөспірім естуі тиіс қарапайым, бірақ өте маңызды сөздер болды:

•  «Мен сенің жаныңдамын».
•  «Мен сені тыңдап тұрмын».
•  «Сенің сезімдерің маңызды».
•  «Сен менімен әрқашан сөйлесе аласың».
• «Кел, мұны бірге еңсерейік».

Жиналыс соңында ата-аналарға «Жасөспірімді қолдаудың бес қадамы» атты жадынама ұсынылды.

Отбасы әр бала үшін оны түсінетін, тыңдайтын және қабылдайтын қауіпсіз орта болып қала берсін. Бала қандай жағдай болмасын, жанында әрдайым қолдау көрсететін ересектер бар екенін сезінсін!